Liturgi Natal Punguan Ina Model Dialog – Dihata Batak
By : Pdt.
Bernard H. Pasaribu, M.Min
Liturgi 1 : Taringot Haulion ni na Tinompa ni
Debata
L1. 1 : Molo jumpang bot ni
ari , mangullus ma alogo nangetnanget, alai sipata do mangorngos. Sahat tu
bornginna i, huida ma dilangit i bulan dohot bintang marsinondang, ombun i pe mardalani do guru lomona gabe sipata tiur ma langit i songon tio ni aek di lauti, alai tompu muse holom nang
bobot. Mandok tiur ni ari, hutangi ma soara ni angka pidong natiotio marlas ni
roha, dohot parhehe ni angka dorbia nang pahanpahanan paboahon torang ni ari.
Hehe ma nang ahu sian podomanhuida ma tutu hinauli ni bungabunga dohot angka
hau i, songon i nang angka dolok na tongon pabotohon dohot manghamauliatehon torang ni ari diparbinsar ni mata ni ari
manogot i. On ma jolo tahe dongan, ai adong do na manompao? Sonang huida
i.........
L1. 2 : Toho ma antong
nanidokmi, sonang doi saluhutna. Alai hea do tahe dirajumi roham boi jolma patupahon i dohot
pangoluhon i? Molo huaso ni jolma do , ndang tuk mambahen i. Nang hita pe, ho,
au, boi mangolu ala adong do namanompa dohot pangoluhon, i do na so hea
tahamauliatehon. Ndang tau hita mamilangmilangi i. Hape idama,
molo hehe hita sian podomanta manogotnai, aha do na parjolo taula? Pintor dapur do na tadapothon, ia angka ama pintor
sigarena i dipulpul laos mangopi. Pintor marsak jala holsoan do hita tu angka
na laho patupaonta di ari i, gabe anggirma tahilala portibion. Sasintongna
ingkon jolo mandok mauliate do hita tu naung manompa dohot pangoluhon hita,
gabe jumpang songon ma songon na nidok ni endenta i ” Raphon Tuhan Jesus pungka ulaonmu”.......molo songon do tabahen
na anggir i pe gabe hungkusma.
L.1. 3 : Hope..............pamalomalohon
ma ho, sai hira namalo hape oto. Parrohahon da na hudok on, umbahen na boi
jolma i mangolu , nang binatang pe, nang hau nang suansuanan, lakso adong
lakkon ni ala na mangan, minum, marhosa dohot karejo.
L.1. 4 : Hutomu ma jo jolo na
nidok mi, jala ido tohona, umbahen boi ho mangan, minum, karejo, marhosa, na
adong do manompa tano gabe dilehon sian i sipanganon dohot aek, boi ho karejo
ala dilehon dope diho hosa hangoluan, dipallehon angka duhutduhuti ma dihita
Oksigen untuk kebutuhan pernapasanta. Masa las nia ri dohot udan, arian nang
borngin pasinghophon aluhut tu na adong di hasiangan on. Adong do
manompai, alai ise ma ate ?
L.1. 5 : Jesaya
45 : 7
L. 1. 6 : Jesaya 45 : 8
Liturgi 2: Taringot Tu Porlak Eden
L.2. 1 : Hea ma da dongan tarsor ahu tu parguruan ina –
marari Jumat, ndang huboto alani tarsulandit manang ndang umbahen na sahat ahu
tu parguruan i. Tarpinggol ahu ma disi didok ”porlak Eden” ima inganan ni jolma
marsonangsonang. Hape na adong nuaeng ima porlak kopi, porlak sawit, porlak
tobu molo dihitaan porlak bawang ma ra boi dohonon, atik salah manang sintong
i.hir do hodok mangula disi, jala mabiar alani ulok, manang pansat songon ni
nang godang ni rongit na olo mangonsopi mudar niba. Husungkun ma ho jolo nuaeng, dia ma da lapatan ni i , songon sahalak
parminggu ho na saleleng on. Atik na songon au on do ho, lao marminggu, lao tu
parguruan, hape holan na manghunuphupi angka sahit manang hagiothagiot do i.
Manang na sala umbegesa do do ahu, didok porlak eden hape namandok porlak ni
amaa ni Eden , ala tarmondok ahu ditingkkii ?
L2. 2 : Eho.......................dongan,
untung dope ndang targadis dope ho nuaeng. Alani do didok tuhori hamu ma
hapistaran i sian sandok pangomoan jala haringgashon hamu ma mangguruhon hata ni Debata, asa unang
peolpeol manang ponggolponggol pangantusion niba, ala marhite hata ni Tuhan i
do hita ditogutogu, dipinsang, dipauli-uli, dipodai tu bagasan hatigoran. Alai
tahe , tangihon ma jolo taringot tu porlak eden i:
L.2. 3 : 1 Musa 2 : 8
L.2. 4 : 1 Musa 2 : 9
L.2. 5 : 1 Musa 2 : 15
Liturgi 3 :
Hadadabu ni Jolma tu dosa
L.3. 1 : On ma jolo ale
dongan, ditingkinta saonarion, molo sai pinaihutihut do sian mass media, sai
hira na lam mangibukbuk jala mangararati do hajahaton i binege. Portibion
diguncang bom di godang inganan, teroris dohot angka ormas-oramas na beringas,
pangarampok naso mampardulihon hosa na
nirampokna, narkoba na semakin merajalela, pergaulan bebas dohot HIV/AIDS,
parjujian dohot ragam nu Korupsi, namarpanghorhon gabe so hasiatan be angka
penjara. Sai hira na so adong do Tuhan i na tuk manggotapi. Ai na lam mandao do
Tuhan i sian hita manang naung ditadinghon Tuhan i do ra hita ate alani angka
hajahotonta i ? Bahen ma jolo otik dongan hatoranganmu, ala nunga lam lilu
huhilala haporseaonku !
L.3. 2 : Ia Debata na hot doi ro di salelengnilelengna,
holong na pe manontong do sahat tu sadarion nang salelengna. Ia Debata ndang
lomo rohana manang kompromi taringot tu Dosa, hape tarelaela jala madabu do
jolma naparjolo i tu dosa, dioloi pangelaela ni sibolis i. Dilaosi tona ni
Debata gabe hona uhum ma. Alani i, dipabali ma jolma isian porlak Eden,
pangontak ni dosa ni jolma naparjoloi do mambhaen susa jolmai, marbadai,
mambunu, mangarampok, putusasa, korupsi, margabus, marsiangkalan dohot ragam ni
angka dosa na asing dope. Pangalaoison ni si Adam dohot si Hawa di Hata dohot Tona
ni Debata, gabe dielelama nasida sian porlak Eden gabe daoma sian hasonangan
hadameon. Tabegema :
L.3. 3 : 1 Musa 3 : 17
L.3. 4 : 1 Musa 3 : 18
L.3. 5 : 1 Musa 3 : 19
L.3. 4 : 1 Musa 3 : 24
Liturgi 4 : Hasusaan
ala ni Dosa
L.4. 1 : Molo ganggu iba,
ndang marposniroha , ndang satia, mangiburu, marhosom, marlate ni roha , masuk
tu dosa do i tahe? Jala molo masuk tu dosa mai, adong do uhum sijaloon?
L.4. 2 : Namardosa do goaran i antong. Ai ndung madabu
jolmai tu dosa, masa ma angka na pabalibalihon hasalaanna tu na asing (menghambinghitamkan
orang lain), paluahon dirina sandiri, egoisme naholan mamingkiri diri sendiri,
mabiar jala ndang porsea tu donganna. Pabalikbalik hata songon sijbajabi gabe
godang ma dosa hinorhon ni i. Jala molo lam mangalantap dosai sahat ma tu
hamatean jambarna, bege hamuma :
L.4 3 : 1 Musa 3 : 12 – 13
L.4. 4 : 1 Musa 4 : 4 – 5
L.4. 5 : Roma 5 : 12
Liturgi 5 :
Hararat ni Dosa
L.5. 1 : Ale dongan nangkin didok dongan : Si Adam
dohot Si Hawa nunga mardosa. Boha dohot dope pinoparna mardosa dohot muse dope hita? Molo piningkiran, so na hea
taallang parbue ni hau na di Porlak Eden i, hape sai dohonon mardosa i dope
jolmai saonari? Songon na so boi do huantusi, songon dia doi ulaning?
L.5. 2 : Bo do nidokmi. Alai
na mangindorap do dosai sahat tu saonnari. Jala idama jolo pangalaho ni jolmai
saonnari taringot tu hajahaton, lam
rarat do hajahaton ni jala lam marragam macamna. Nunga diboto dokdok ni dosa i,
alai sai manaili dope rohana tusi, gabe dohotma antong ibana tartait tu dosa.
Nang olo paubahon roha, hape sai songon gagat ni burbur do dsai mangurarat.
Nang olo hita mangarajai diri jala langgus rohanta disi. On ma baritana :
L.5. 3 : 1 Musa 4 : 7
L.5 4 : Jakobus 1 ; 14 – 15
Liturgi 6 :
Baga-baga taringot tu Sipalua
L.6. 1 : Songon nidok ni
naparjolo i, mangararati do hape dosa i dibahen sibolis i di ganub tingki
manang inganan nang kesempatan. Boha nama hape jolma on ate? Mate raraknama da.
Ai gok pangalaosion di dosa do ganub. Sai mangonggob do sibolisi tontong dohot mangelaela sangkap ni roha ni jolma i
asa mardosa. Bah............ndang adong be pardomuan ni jolma tu Debata dohot
pardamean tu donganna jolma.
L.6. 2 : Nang pe jolmai nunga diuhum di sada pihak, alai asi do rohana di
angka natangi jala marholong ni roha di Ibana. Ndang tontong jolmai digosagosa
sibolisi, jala ndang dipasombu jolmai, asalma olo jolmai mambahen Debata
donganna. Dipatudu Debata do holongNa na sumurung i na dao umbalga sian uhumNa,
asal ma oo hita paubahon roha.
L.6. 3 : Ulaon ni Apostel 3 :
19
L.6. 4 : Roma 6 : 23
Liturgi 7 :
Paimaimahon di Haroroni ni Mesias i
L.7. 1 : Pekerjaan yang paling membosankan adalah
menunggu. Ari marganti ari bulan marganti bulan, jala taon marganti taon, sian
na metmet tu haposoon sahat tu hatuaon, ganup jumpa ari Natal sai dipatupa
do pesta parningotan di hatutubu ni Tuhan Jesus na gabe sipalua
jolma. Toho do Ibana tubu? So hea niida! Didok tubu di Betlehem songon na
sinuriranghon ni panurirang Mika i. Sai
hira so porsea iba tutu Raja di huta na metmet, patorang ma jolo tu au.
L.7. 2 : Ohh.........tahe
manisia. Si holan rohami dohot pingkiranmi do dipaboanboan dohot dipangsahon ho
laho mangantusi Debata. Dohot ma haporseaonmi pangke asa dapotan nang ho. Hape
didok do : Martuama na porsea atik pe sodiida. Ia haporseaon i, pos ni roha
do i diangka sihirimon, jala pamotoan na tontu taringgot tu naso niida. Hatutubu ni Jesus Sipalua i, nunga
disuriranghon, dibaritahon jala disaksihon angka namarnida i najolo. Ndang hea
sala Hata ni Debata, begema :
L.7. 3 : Markus 13 : 31
L.7. 4 : Mika 5 : 1
L.7. 5 : Lukas 1 : 30 – 31
L.7. 6 : Lukas 2 : 8 + 10 –
11
L.7. 7 : Lukas 2 : 14
Liturgi 8 : Nunga
tubu Sipalua i
L.8. 1 : Nunga mariaria tanoon siala hatutubu ni
sipalua i ima Kristus Jesus i. Nunga marsinondang hatiuronNa, na manorangi
sandok haholomon na di portibion. Songon siihuthon Jesus i hita, ahama na tau patupaonta hataridaan ni panjanghononta di
Ibana. Marsonangsonang do manang modom-modom?
L.8. 2 : Hita angka naung sinondangan ni Jesus Kristus
i, puny atanggungjawab laho mamboan SondangNa i tu roha ni torop halak na
dihaholomon i dope, tu keluarga, ianakhon, luat, haoum, bangso asa tung dohot
taruli di basa ni Debata na so halompoan i.
L.8. 3 : Johanes
14 : 6
C v
L.8. 5 : Johanes 1 : 4
Liturgi 9 :
L.9. 1 :
Nirimpu parhunihan, hape pargadongan. Nirimpu holan parsaulian hape godang do
parungkilan. Hurimpu do dung gabe halak Kristen au gabe sonang-sonang ma, ndang
jumpang arsak, holso nang parungkilon. Ngolngol do iba mamboan sinondang i.
Songon parhalado nang ruas na burju iba
jotjot do hape iba hona insakinsak, reherehe, ondamondam, songgaksonggak, jala
godang do angka hamaolon dohot hambatan. Naeng iba mandele, naeng tadinghonon
haKristenon on ala ni borat ni si taon on na huhilala.
L.9. 2 : Songon on do da dongan, Hata na Badia i do
patoranghon i, Jesus mandok : manang ise na mangihuthon Ahu, di tuhuk ma silang
na tu Ibana. Ai nenag do silang i molo rap dohot Ibana
hita mamorsan i, jala ndang lobi i sian gogonta. Molo loja ho jala sorat, ro ma ho tu Ibana, ro ma hita mandapothon Ibana,
asa dipasonang rohanta. Ai Ibana do Debata na sun gogo i jala pola didok nasa
ulu ni tot marhatopothon dohot
marsomba tu Ibana siala ni pambahenanNa
i, taparateateonma :
L.9. 3 : Lukas 12 : 32
L.9. 4 : Johanes 14 : 27
L.9. 5 : Efesus 6 : 16 – 17
L.9. 6 : Pilipi 2 ; 10 – 11
L.9. 7 : Psalmen 150 : 6
Tidak ada komentar:
Posting Komentar