Senin, 28 Mei 2012

Berich HKBP Pekalongan 2011



  
LAPORAN PANGULAON

(BARITA JUJUR TAON/BERICH)

HKBP PEKALONGAN RESSORT PEKALONGAN
31 DESEMBER 2011

Gereja/Kantor :
Jl. Perintis Kemerdekaan , Pekalongan 51118, Kotak Pos 72
 Telp. Kantor : 0285 – 427.339

Pastori :
Jl. Pesona Raya No. 266 Perumahan Bina Griya Indah – Pekalongan, 51111
Telp. Pastori : 0285 – 432.480 ; 081362104072





BARITA JUJUR TAON HURIA
HKBP PEKALONGAN RESSORT PEKALONGAN TAHUN 2011

I. PATUJOLO
Tapuji jala tapasangap ma Tuhan Jahowa pardenggan basa i, na sai tontong mangaramoti HuriaNa, boi mardalan dibagasan las ni roha dohot  hadameon di bagasan taon 2011. Dipargogoi jala diparbisuhi do parhalado nang ruas ni huriaNa, di na laho pararathon harajaonNa di portibion, dipalua do huriaNa sian nasa parmaraan.
Alani i, rap dohot parPsalmen i ingkon dohononta do, “Godang  ma tongon  na binahen ni Jahowa  tu hita, jala marhilas ni roha ma hita” (Psalmen 126 : 3). Ingkon las do rohanta molo nunga dipatongon  Tuhanta angka na uli na denggan di huriaNa on. Jala bentuk ni las ni rohanta i ndang apala di minar ni pardompahan, alai di parsitutuonta mangoloi  dohot manghaposi Tuhanta i do sian bulus ni roha. Angkup ni i , ingkon lam serep do rohanta di adopanNa jala adong tekad di hita ruas dohot parhalado laho paturehon ngolu dohot panghobasion asa lobi dumenggan sian taon 2011 on.

Dipatupa hurianta do rapot Huria  ima na di tanggal  12 Pebruari 2011, laho manotophon program dohot anggaran Huria nang pengurus Dewan, Seksi dohot Panitia Pembangunan  Huria. Asa marhite rapot i  ditotophon  Hurianta angka na naeng sihobasan di toan 2011. alani taida ma jolo pardalanan ni Hurianta di na parupahon program naung di totophon Huria.

II. PANGHOBASION DI HURIA TAON 2011

A.  PELAYANAN UMUM

Ia lapatan ni Pelayanan umum na naeng pinaandar dison ima angka Pelayanan (panghobasion) na dipatupa huria diruar ni panghobasion-panghobasion kategorial.

I. KEBAKTIAN-KEBAKTIAN

1.  KEBAKTIAN MINGGU (PARMINGGUON)
1.a. KEBAKTIAN MINGGU DEWASA   
Tahamauliatehon do parmingguon na dipatupa hurianta na dibagasan sataon, ala boi do mardalan dohot denggan songon nataharaphon di bona ni taon i ima di tingki rapat huria, Ai boi do mardalan parmingguon di hata Batak (ima di minggu na parjolo dohot minggu na  patoluhon disiganub bulan, suang songoni molo adong  pesta-pesta). Tapatupa do nang parmingguon marhata Indonesia ima di ganub minggu paduahon (mamangke Kidung Jemaat na pinaruar ni LAI) dohot minggu paophathon (mamangke Buku Ende Terjemahan manang Kidung Jemaat HKBP). Ia torop ni  na ro laho mandohoti Parmingguon  ima : 165 s/d 200 halak. Di ganup minggu palimahon pe songon na tagoari Minggu Oikumene tapatupa do Kebaktian  na mamake tata ibadah gereja tetangga.

- 1 –
1.b. KEBAKTIAN MINGGU PAGI & KEBAKTIAN  SEKOLAH MINGGU                         
Songon naung tatotophon di Rapot Huria na di bona ni bulan Pebruari naung salpu i, Parmingguon Remaja (Minggu Pagi) di hurianta tapasada do tu Parmingguon Sikkola Minggu Pos Pekalongan, masuk jam 07.30. Denggan do mardalan parmingguon  i. Torop ni remaja dohot na magodang (dewasa) na mandohoti parmingguon pagi i ima 20 s/d 30 halak. Parmingguon Sikkola Minggu dipatupa hurianta do di 3 inganan ima di Pos Pekalongan, Pos Sragi dohot Pos Wiradesa  masuk jam 07.30. denggan do nang mardalan parmingguon i, torop ni angka ianakhonta na ro tu parmingguon ima  70 s/d 83 halak sian 120 halak.

2.  PARTANGIANGAN
Denggan do mardalan angka partangiangan na pinatupa ni Hurianta di taon 2011 on. Mansai ringkot do tutu partangiangan, ai ido  hosa hangoluan  ni angka na porsea. Alani molo pe mardalan angka partangiangan saleleng  taon 2011, ingkon lam tu toropna jala lam tu ringgasna do hita mandohoti i tu taon  na naeng ro. Ai di samping ni na mambege Hata Ni Debata dohot manangiangkon angka na ringkot di ngolu partondion dohot pardagingon , partangiangan i do na pasaorhon/pasadahon  ruas marsasalingkungan nang marsaHuria pe. Laos disi do tabege angka informasi sian parhalado na marpardomuan tu ruas ni hurianta.

2.1. PARTANGIANGAN WIYK (KEBAKTIAN LINGKUNGAN)
Ditaon on, Denggan do mardalan Partangiangan Keluarga di ganub-ganub wiyk hombar tu roster naung dibagihon. Nang pe sai adong dope keluarga na berhalangan laho manjabui partangiang i ala adong ulaon nasida na so tartadinghonsa (ima di luar kota) manang ala mulak tu huta (bona pasogit). Tapangke do Buku Panduan Partangiangan na pinaruar ni Kantor Pusat dalam Rangka Jubileum 150 tahun HKBP jala tapatupa do disi diskusi-diskusi laho pahembanghon panghantusionta taringot tu turpuk i dohot taringot tu na berhubungan tu Jubileum 150 tahun HKBP. Tapatupa do Partangiangan Pamuhai di garenja ima na di ari 17 Februari 2011 jala Partangiangan Pangunjungi (panutup) di ari 17 November 2011. Torop ni  ruas na mandohoti partangiangan

2.2. PARTANGIANGAN SEKOLAH MINGGU
Di Tahun 2011 on denggan do mardalan partangiangan sikkola Minggu. Dipatupa di opat inganan, asing ni tolu inganan naung mardalan hian ima Pos Pekalongan, Pos Sragi dohot Pos Wiradesa. Tapukka do muse sada pos naimbaru ima Pos Petarukan. Tahalashon do pardalanan ni partangiangan sikkola minggu on, ala sai urribur do nihilala haroroni dakdanak i laho mandohoti partangianngan i sian na ro mandohoti parmingguon na dipatupa di tolu pos  i (ima Pekalongan, Sragi dohot Wiradesa), jala sai urringgas do binereng angka natua-tua pataruhon dakdanak i tu partangiangan  sian na pataruhon tu parmingguon. Asing ni i tontu godang do faktor na asing na mambahen i alai harapan dohot pangidoan nian tujoloan on, boi ma nian tong ribur dakdanak i ro tu parmingguon na dipatupa di angka pos i jala tong ringgas angka natuatua laho pataruhon angka dakdanak i tu partangiangan dohot tu parmingguon.


- 2 -
2.3.  PARTANGIANGAN KHUSUS
Dipatupa hurianta di bagasan taon on manghobasi partangiangan khusus isarani : 
-   Partangiangan mamungka kegiatan Parheheon Ama Ina manang
-   Partangiangan mamungka kegiatan dalam rangka Jubileum 150 tahun HKBP,
-   Partangiangan Passion,
-   Partangiangan buha-buha Ijuk di Pantai Depok,
-   Partangiangan Penghiburan (Pangapulion) suang songoni nang
-   Partangiangan Pangidoan mamasuhi Bagas Naimbaru .
-   Partangiangan Hari Doa Sedunia, dipatupa di ari Jumat 04 Maret 2011

II.  PELAYANAN-PELAYANAN

2.1.  PELAYANAN SAKRAMEN
2.1.a.  Pandidion Na Badia (Baptisan Kudus)
Ditaon on dipatupa hurianta do 2 hali pandidion na badia, ima di ari 06 Pebruari 2011 tu 2 halak dakdanak baoa,  ianakhon ni ruasta dohot di ari 18 Desember 2011 tu 8 halak ianakhon ni ruasta ima 4 dakdanak baoa dohot 4 dakdanak boru. Jadi torop ni na manjalo pandidion na badia dibagasan sataon on ima 10 halak dohot rincian 6 dakdanak baoa 4 dakdanak boru. Andorang so manjalo pandidion, sai dipatupa hurianta do Marguru Tardidi tu natoras ni dakdanak i , ima 2 hali pertemuan. Alai molo pinamanat. Tong dope hurang parsitutuonta laho mandohoti parguruon i. Hape disi do dapot hita panghantusion na bagas taringot tu lapatan dohot tanggung jawabta songon halak Kristen naung tardidi jala tanggung jawabta songon natoras na mamboan  ianakhonta tardidi.

2.1.b.  Ulaon Na Badia (Perjamuan Kudus)
Dipatupa hurianta do ulaon na badia di bagasan taon on godangna 2 hali ima di ari Jumat Agung 22 April 2011 torop ni ruas na mandohoti ulaon i, ima baoa (ama dohot doli-doli) godangna 88 halak jala borua (ina dohot namarbaju) godangna 93 halak, pungu ma sude 183 halak jala na paduahon ima di ari Natal 25 Desember 2011, torop ni namandohoti ima boa (ama dohot doli-doli) godangna 126 halak jala borua (ina dohot namarbaju ) godangna 149 halak, pungu 275 halaki.

2.2. MANGHATINDANGHON HAPORSEAON (LEPAS SIDI)
Di taon on dipatupa hurianta do dua ragam parguruan laho manghatindanghon haporseaon ima : Marguru Malua (Katekisasi Sidi) Reguler di angka ianakhonta remaja dohot naposo, sian 24 halak na mendaftar laho mandohoti parguruan i, holan  22 halak do na sahat tu ujungna laho manghatindanghon Haporseaonna ima 11 halak baoa dohot 11 halak boru.  Marguru Malua  dohot Manghantindanghon Haporseaon Khusus ima tu 3 halak ruas parguru ni hurianta naung magodang ala ro nasida sian huria Katholik dohot Bethel. Jadi torop ni ruasta na manghatindanghon haporseaon di taon on  ima 25 halak. 11 halak ma i baoa, 14 halak ma boru.

- 3 -
2.3. PELAYANAN PEMBERKATAN NIKAH & CATATAN SIPIL
Di taon on, dipatupa hurianta do panghobasion partumpolon dohot pamasumasuhon tu anak dohot boru ni hurianta. Na martumpol di hurianta godangna 4 pasang calon penganten jala na tarpasupasu godangna 3 pasang .Andorang so martumpol dohot tarpasu-pasu dipatupa hurianta do Konseling Pranikah 2 sahat tu 4 hali pertemuan hombar tu ringkotna. Jala dung pamasumasuon i dihobasi hurianta do parohon Pegawai sian Kantor Catatan Sipil laho manghobasi pencatatan sipil pernikahan i. denggan do mardalan ulaon i.

2.4. PELAYANAN KUNJUNGAN PASTORAL & PENGHIBURAN
        Nunga berusaha nian huria (pendeta dohot parhalado) patupahon kunjungan  pastoral laho manopot  angka ruas na mangadopi ragam parungkilon lumobi ma di na masa sitaonon dohot  habot ni roha ditonga-tonga ni parngoluon ni ruas ni hurianta. Alai ndang dope maksimal ala godang dope ”na so sahat informasi” adong do ruasta na marungkil manang marsitaonon hape ndang ro huria (pendeta manang parhalado manang ruas na asing pe) ndang ro manopot  manang patoguhon nasida.  Adong do ruas ni hurianta na marsahit manang na marungkil alai ndang adong na paboahon tu pendeta manang tu parhalado gabe sahat tu na malum manang sahat tu na mulak sian rumah sakit, ndang dapot perkunjungan sian pendeta manang parhalado. 
Nian molo tabandinghon tu taon-taon naung salpu i, dao do dumenggan panghobasion perkunjungan na di patupa hurianta di taon on. Alai tong do dohonon na so I dope maksimalna, ai na boi do nian lobi sian ni dipatupa hurianta asal ma adong kerjasama na baik antara pendeta dohot parhalado nang dohot ruaspe saluhutna.
Alani tujoloanon molo adong na masa ditonga-tonga  ni ruas ni hurianta, sitaonon nang las ni roha, naeng ma nian adong komunikasi paboahon tu parhalado. Asa lam tu ulina tutu panghobasion kunjungan pastoral dohot penghiburan on ditonga-tonga ni hurianta. Nihatindanghon do tu hita, ia dampak perkunjungan pastoral  dohot penghiburan i dao do umbalga jala unghona di rohanta sian jamita na di altar, alani lam tapareahi ma i tujoloanon.

2.5. SERMON PARHALADO
Denggan do mardalan Sermon Parhalado dihurianta na dibagasan nasataon on, ima na di patupa di ganub ari Jumat pukul 18.30 s/d selesai di Konsistori Gerejanta. Dipungka do sermon i marhite na mangguruhon ende tu ari Mingguna, dungi diuduti ma pabagashon pangantusion di nas (turpuk) jamita na tu hari minggu marhite angka diskusi teologi, dungi dipatupa ma marsagi ulaon panghobasian nanaeng siulahonon dibagsan na saminggu I, asa I pe muse diuduti ma manghatai manang manaringoti angka na ringkot siulahonon manang siiputushonona  na berhubungan tu ulaon panghobasion niu hurianta. Torop ni parhalado na ro mandohoti sermon i ima 10 – 11  halak.




- 4 -
B. PELAYANAN  KHUSUS

Panghobasion Huria na nidokna dison ima panghobasian Kategorial manang seksi-seksi na hinobasan ni tolu dewan na adong di hurianta ima Dewan Koinonia, Dewan Marturia dohot Dewan Diakonia, songon on laporan panghobasion na boi huloporhon hami :

I.     DEWAN KOINONIA
Dewan Koinonia  ima dewan na pinajongjong laho manghobasi jala maniroi angka kategorial na adong di hurianta. Denggan do mardalan panghobasion ni Dewan on laho maniroi angka kategorial i

1.1. SEKSI SIKKOLA MINGGU
Denggan do mardalan program ni sikkola minggu dibagasan taon 2011 on hombar tu na nirencanahon nasida, ima : Parmingguon sikkola Minggu di patupa di 3 pos, partangiangan sikkola minggu di patupa di 4 pos, saut do tapukka manang taaktifhon kembali pos petarukan, tamba do guru sikkola minggunta 2 halak, denggan do nang mardalan sermon guru sikkola minggu di ganub ari Rabu. Paskah sikkola minggunta pe denggan do mardalan di pantai slamaran songoni nang Natal sikkola minggu.

1. 2. SEKSI REMAJA & PELAJAR SIDI (PARGURU MALUA)
Secara umum, denggan do mardalan program ni hurianta tu angka Remaja dohot Parguru Malua ala songon na sinangkapan di Rapot huria, boi do mardalan program i, ima : paheheon muse punguan ni angka  ianakhonta remaja, patupahon PA Remaja , mamungka kelas sidi tu nasida dohot na patupa natal remaja. Tutu godang do harapanta tu nasida, lam taparehai ma muse tu taon 2012 on.

1.3.  SEKSI PEMUDA (NAPOSO BULUNG)
Khusus tu horong naposo bulung ni hurianta, ndang dope tarbahen hita  manang na dia na boi papunguhon nasida. Ala memang gumodangan do angka Naposo Bulungta i maringanan di luar kota alani na Karejo dohot na marsikkola (na kuliah). Adong do nian piga-piga sian nasida angka naposo i na tinggal di hutanta on ima na di pekalongan & sekitarna. Alai tong do ndang boi tarpapungu ala ni jarak tempuh dohot ala ni na karejo.
Tu taon i tabehen ma jo pingkiran, aha do boi patupaonta laho pangoluhon jala pajongjonghon  muse punguan naposo bulung, ala hurang do nihilala sadasada huria i molo so adong punguan naposobulungna. Ai naposo bulung i do muse na gabe masa depan ni huria i.

1.4. SEKSI PAROMPUAN 
Digoari do nuaeng punguan on seksi Parompuan ndang be Seksi Ina, ala memang lam godang do nuaeng parompuan na so menikah nang pe nian molo marnida umurna, nunga layak nasida laho marbagas. Jala ala lam godang do nuaeng parompuan  na so menikah i mamilit gabe perempuan karier.

- 5 -
Laos alani ma umbahen dibaen gabe Seksi Parompuan asa lam boi Seksi on menjangkau panghobasion tu sude Parompuan naung gabe Ina manang na ndang dope, naung menikah dohot na so menikah dope. Dibagasan na sataon on, denggan do mardalan angka program dohot kegiatan  ni Seksi Parompuan on  ni hurianta, ima patupa PHD di ganub ari jumat na diuduti marguru koor, manghobasi parendeon di ganub ibadah minggunta (gabe songleader) songoni nang koor di ibadah, patupa panghobasion di pesta paskah huria nang Natal ni Seksi Parompuan dohot Seksi Ama, patupa kunjungan jemaat tu pondok bambu, patupa bazaar, dohot aktik mandohoti parpunguan Seksi Parompuan di Distrik dohot di GWKP.

1.5. SEKSI AMA (KAUM BAPA)
Seksi Ama, ima seksi na pinajongjong di tonga-tonga huria laho mengkoordinir panghobasion na ringkot tu saluhut  ama na adong ditonga-tonga ni huria i. Panghobasion nasida ndada holan Punguan koor Ama, alai tu sude ruas Ama na adong di huria i do. Alani naeng ma tu joloan on boi tapingkiri kegiatan aha do na boi tapatupa laho pahehehon sude angka ama ditonga-tonga ni huria i. Kegiatan ni ama di taon boi dohonon na biasa-biasa sambing dope, ima marpungu laho marguru koor dungi ditutup ma dohot Hata ni Debata. Tutu adong do tapaborhat utusan ama mandohoti lomba catur ama di distrik, alai molo marnida potensi ni angka Ama di hurianta na boi do tapatupa kegiatan ni ama i lobi sian i.

 1.6. SEKSI LANJUT USIA (LANSIA)
Lansia di hurianta ima angka ruas (ama nang Ina) naung marumur 60 taon tu ginjang. Sinode godang Amandement tahun 2010 naung salpu manotaphon asing ni seksi Sekolah Minggu, Seksi  Remaja & Pelajar sidi, Seksi Naposo Bulung, Seksi Parompuan  dohot Seksi Ama, naeng ma dipajongjong ganub huria ima Seksi Lansia.
Di hurianta sanga do adong jala jonjong Seksi Lansia on, alai dibagasan taon on , ndang tarbahen hurianta laho patupa panghobasion tu punguan on  ala memang ndang tarbahen punguan on patapa parpungu on.  Tu joloanon, tasangkapi do asa boi muse jongjong punguan on songon na pinangido ni Aturan dohot Peraturanta i jala songon na pinangido ni sinodenta.

II. DEWAN MARTURIA

Ima dewan na manghobasi ulaon marbarita nauli (bersaksi) marhite musik nang ende dohot pekabaran injil (zending).  Secara umum denggan do mardalan program ni seksi marturia dibagasan taon on.

2.1.   SEKSI MUSIK
Hombar tu na sinangkapan ni Seksi Musik ni hurianta laho patupahon panghobasion musik dohot ende na lobi dumenggan dibagasan taon on, saut do dipatupa hurianta marhite seksi Musik ima : pardalanan ibadah na otomatis (ndang sai ingkon digora/dijouhon paragendabe), latihan songleader dohot organis di ganub ari jumat botari paradehon diri manghobasi parendeon tu ibadah minggu, patupa jadwal song leader dohot organis di ganub kwartal, patupa regenerasi huhut parguruan organis di hurianta, perbaikan dohot pembelian perangkat sound system na imbaru, pajongjong na bertanggung jawab laho mangurus sound system ni huria. Tu joloan on ni hirim do adong muse pelatihan ndada holan tu organis manang song leader alai dohot do tu na memanage sound system huria.

2.2. SEKSI  ZENDING  (SEKSI PEKABARAN INJIL)
Tapargumulhon do sahat tu sadarion ndang boi dope mardalan panghobasion ni seksi Zending ni hurianta. Tapajongjong do nian piga-piga halak sian ruasta na laho manghobasi zending ni hurianta, alai ala ni angka ulaon nasida, ndang tarpatupa nasida ulaon i.  Tipak ma ulaon i sude tu pendeta dohot tu parhalado. I do umbahen na ndang boi maksimal seksi on mamparbuehon panghobasionna. Alani tu taon na naeng ro lumobi ma di na tapatupa periodisasi, tapillit ma ruas ni hurianta na mangalehon rohana tu ulaon zending ( marbarita nauli) on.
III. DEWAN DIAKONIA

Ima Dewan na manghobasi ulaon diakoni (pelayanan sosial) huria nang na berhubungan tu masyarakat humaliang ni hurianta.
Secara umum mardalan do ulaon diakonia ni hurianta di taon on ima na niuluhon ni Ketua Dewan Diakoni St. J. Sianturi. Alai molo seksi-seksi na di dewan diakonia i sandiri ndang dope mangulahon ulaonna secara maksimal. Tipak do sude ulaon diakoni sosial i tu ketua Dewan Diakonia, tu Parhalado dohot tu Pendeta. Nian molo pinasunggul tu nasida ima angka ketua-ketua seksi i, dihilala nasida do hahurangan i alai ala ni angka partingkian dohot alani ulaon gabe ndang sai tarpatupa nasida mangulahon panghobasion diakoni ni secara maksimal. Alani tu tujoloanon tapillit ma sian tonga-tonga ni ruasta angka ruas na olo mangalehon rohana dohot tingkina laho mangulahon ulaon diakonia on. Ala on do sasintongna panghobasion ni huria na ussolhot jala unghona di roha ni ruas nang masyarakat sekitar ni hurianta suang songoni nang na berhubungan tu pamarentanta.

3.1. SEKSI DIAKONIA SOSIAL HURIA
Dibagasan taon on nunga denggan nihilala mardalan ulaon diakonia sosial hurianta  tu intern ni ruasta ima marhite : Patupa perkunjungan dohot patoguhon marhite Tangiang nang Hata ni Debata tu angka ruas na marsahit, na haroan, dohot na mangadopi ragam ni panggulmit ni ngolu. Patupa Partangiangan penghiburan (pangapulion) huhut pasahathon diakonia sosial ni hurianta songon naung taaturhon di rapot ni hurianta. Paborhathon utusannta tu aek kanopan laho mandohoti pemakaman ni St. Ch. Tampubolon di Aek Kanopan. Patupa pembagian Bibel Buku Ende dohot kalender huria secara gratis tu ganub ruas (per KK).
Asing na tu intern ni ruas ni hurianta, dipatupa hurianta do pangurupion sosial tu angka na di duru (ektern) ni hurianta ima patupa bantuan sosial bencana alam, bantuan tu angka ruas nang huria songoni nang masyarakat sekitar na ro mangido pangurupian tu hurianta, patupa aksi donor darah, dohot  lanna asing.

3.2.  SEKSI HUBUNGAN MASYARAKAT
Tahalashon do di taon on boi do denggan mardalan hubungan dohot kerjasama na terjalin antara hurianta dohot ragam ni organisasi masyarakat suang songoni dohot pamarenta kelurahan, kecamatan dohot pemerintah Kota pekalongan. Nang pe ingkon do dohonon na so boi dope maksimal  Ketua dohot anggota ni seksi on laho manghobasi ulaon ni Humas on.

- 7 -
3.3. SEKSI PENDIDIKAN
Ndang dope boi maksimal seksi on di hurianta ala ndang dope marsitutu pengurus ni seksi on laho mangula ulaonna. Alai nang pe songoni  tapatupa do dukungan tu program Paguyuban Guru-guru Agama Kristen kota Pekalongan songon bdan pelayanan BKSGK Pekalongan laho patupa konsentrasi pengajaran agama kristen tu angka ianakhonta na sikkola di SD, SMP dohot SLTA. Tapatupa do paradehon soal-soal mid semestre dohot akhir semester tu angka ianakahonta na mangharinghotkan soal-soal hombar tu pangidoan ni sikkolana.


C. STATISTIK NI  HURIANTA  TAHUN 2011

1. Torop ni ruas ni hurianta di bona ni taon 2011 on (hombar tu Berich ni hurianta tahun 2011)   ima 478 halak, 106 kapala Keluarga.
2. Perubahan Statistik     
-  Ruas na tamba di taon on ima 12 KK dohot 2 halak ruas marsasahalak, torop nasida ima 19 halak ma  i baoa dohot 15 boru
-  Ruas na pindah huria ima 3 KK, torop nasida na pindah i ima 3 ma baoa, 3 ma boru
-  Ruas na tubu dohot na diain ima 8 halak, 4 ma i boru, jala 4 ma baoa.
-  Ruas na monding ima 2 halak, sahalak ma i baoa, sahalak ma boru.
2. Torop ni Kepala Keluarga  hurianta  di akhir tahun 2011 on ima 122 KK,  jala torop ni ruasta ima 540 jiwa. On ma uraianna :

Statistik HKBP Pekalongan Akhir Tahun 2011


Jlh
Uraian

Wiyk
KK
Orangtua
Naposo
Remaja
S.Minggu
Jumlah Jiwa


Lk
Pr
Lk
Pr
Lk
Pr
Lk
Pr
Lk
Pr
Pekalongan Kota
17
16
16
6
5
4
2
9
11
35
34
Bina Griya -Medono
27
21
27
13
13
9
6
12
16
55
62
Wiradesa
21
18
21
17
5
3
3
8
12
46
41
Sragi – Comal
26
22
26
13
6
14
8
15
19
64
59
Kedungwuni-Kajen
12
12
11
3
2
4
7
5
10
24
30
Batang-Limpung
9
9
9
8
2
2
2
2
5
21
18
Petarukan
10
9
10
4
3
7
5
7
6
27
24
Jumlah
122
107
120
64
36
43
33
58
79
272
268

3. Torop ni Parhalado Partohonan di Hurianta di ujung taon  on ima 11 halak : 1 halak Pendeta ;  8 Halak  Sintua dohot 2 halak Calon Sintua. Goar nasida ima
1.   Pdt. Bernard H. Pasaribu, M.Min            7.    St. J. Sianturi
2.   St. B. Nainggolan, SKM                            8.    St. SM. Sagala
3.   St. TH. Sijabat                                             9.    St. E. Nainggolan
4.   St. R. Pasaribu                                            10.  CSt. J. Sidauruk, SH
5.   St. W. Napitupulu, SE                               11.  CSt. LH. Simbolon
6.   St. VM. Parhusip 

- 8 -

D. PERSONALIA :
ADMINISTRASI HURIA DOHOT RAPOT-RAPOT

1. BONA TAON DISTRIK
Di taon dipatupa do di HKBP Brebes Ressort Brebes, ima na di tanggal 10 Januari 2011.


2. RAPOT – RAPOT
2.1 Rapot Huria/ Rapot Ressort
Adong do piga-piga hali tapatupa Rapot Ressort/Rapot Huria di hurianta dibagasan taon ima Rapot Huria untuk program dohot Anggaran dia ri 12 Pebruari 2011, Rapot Pembentukan Panitia pembangunan Renovasi Rumah Ressort di ari 11 Maret 2011, Rapot  Pembentukan Panitia Pesta Jubileum 150 tahun HKBP di Huria, Rapot Panitia Natal di ari  9 Okrober 2011, alai di ganub rapot i sai minim do kehadiran dohot keterlibatan ni ruas ni hurianta.

2.2. Rapot Parhalado
Dipatupa do hombar tu ringkotna , isarana Rapot Bona Taon dohot Rapo Akhir Tahun, songoni nang Rapot Evaluasi Program dohot Anggaran. Dipatupa do rapot on na di pasada tu sermon parhalado.

2.3. Rapot Kategorial
Dipatupa di ganub kategorial isarana Rapot GSM, Rapat Remaja, Rrapot Seksi parompuan dohot Rapot Ama. Dengan do mardalan angka rapot  i dipatupa dibagasan taon 2011 on.

3.  SINODE DISTRIK
Dipatupa di ari 21 S/d 24 Nopember 2011 di HKBP Purwokerto Ressort Cilacap.  Dipatupa  laho mangarangrangi  rencana Program dohot Rencana Anggaran ni Distrikta di taon 2012.

4. SERMON PARHALADO FULL TIMER SE- DISTRIK (SE-REGIONAL II)
Denggan do di taon dipaborhat huria, amanta pendeta songon pelayan full timer di hurianta laho mandohoti sermon pelayan full timer na di patupa di distrikta (di regonal 2) ima di ganub hari senin minggu ke-2.

5. PERTUKARAN MIMBAR PELAYAN HKBP SE-DISTRIK XVIII JABARTENGDIY
Dipatupa do di taon on ima na ari 20 Maret 2011 (pertukaran mimbar Inter Regional) dohot di ari 13 November 2011 (pertukaran mimbar antar Regional). Denggan do mardalan ulaon i.

6. PEMBINAAN ISTRI-ISTRI PENDETA RESSORT
Denggan do ditaon on dipaborhat hurianta, inang panditanta laho mandohoti pembinaan istri-istri Pendeta  Ressort na dipatupa Kantor Pusatta ima na di ari 13 s/d 15 Juni 2011 di Cibodas – Jawa Barat.


- 9 -
7.  VERIFIKASI  HURIA NA SIAN DISTRIK DOHOT NA SIAN HURIA
Di taon on pe denggan do mardalan Verifikasi di hurianta, ima Verifikasi na dipatupa Tim Verifikasi Distrik ima di ari 8 November 2011, dohot Verifikasi na dipatupa Tim Verifikasi Huria/Ressort  ima di ari16 Desember 2011.

8. REKENING HURIA
Rekening Khusus Huria tempat penyimpanan Kas Huria, Kas Diakonia Huria dan Kas Pembangunan. Rekening Huria  : Bank Mandiri Pekalongan Alun-Alun, a/n Robinson Pasaribu / HKBP RS PKL  No.Rek. 139 – 00 – 0406692 – 8
   
E. PESTA-PESTA HURIA

1.   PESTA PASKAH
Tapatupa do dihurianta ima di ari 24 April 2011, Buha-buha Ijuk na hinobasan ni Seksi Sekolah Minggu jala Pesta Paskah na nihobasan ni Seksi Parompuan.

2. PESTA PEMBANGUNAN
Tapatupa do Pesta Pembangunan di hurianta laho papunguhon dana untuk biaya Renovasi Rimah Ressort ima  di ari 22 Mei 2011, Denggan do mardalan pesta i.

3.  PESTA JUBIELUM 150 TAHUN HKBP

3.1.  Pesta Jubileum di Tingkat Ressort/Huria
Tatapatupa Pesta Jubielum 150 Tahun HKBP di tingkat Huria/Ressort di hurianta ima na di ari 04 september  2011, dohot ragam kegiatan patujolona  ima Seminar taringot  Aksi sosial : tanam pohon dohot donor darah, Lomba Seni dan Rohani : Acara Rangking 1, Lomba Menghafal Ayat,  Lomba Masak, dan Lomba Tortor ; Kegiatan Olah Raga : Volly & Tenis Meja serta Lomba Tradisional : nangkap belut, jujung Botol, Makan Kerupuk dan pesan Berantai. Jala dipuncak perayaan tapatupa do papungu dana untuk manggohi Tumpak Jubileum sian hurianta.

3.2  Pesta Jubileum di Tingkat Distrik
Tapaborhat do utusan ni hurianta laho mandohoti kegiatan Pesta Jubileum 150 Tahun HKBP na dipatupa di distrik ima di ari 17  September 2011 (Lmba Catur Ama Sa-Ditrik) dohot 18 September 2011 (Ibadah Raya Pesta Jubileum di Gedung Sabuga ITB)

3.3. Pesta Jubileum di Tingkat Nasional
Tapaborhat do sian hurianta utusan laho mandohoti  Pesta Puncak Perayaan Jubileum 150 tahun HKBP na dipatupa di tingkat nasional ima di ari 4 Desember 2011 di Gedung Gelora Bung Karno – Senayan, Jakarta.

4. PESTA ULANG TAHUN HURIA KE- 33
Tapatupa do Pesta Ulang Tahun ni  hurianta na ke-33 ima  di ari 16 Oktober 2011 Na niuluhon ni Amang Praeses Distrik XVIII Jabartengdiy ima Bp. Pdt. TM. Hasugian .

- 10 -
5. PESTA NATAL
Dipatupa hurianta do patupahon manang manghobasi piga-piga pesta Natal na ni uluhon ni Panitia Natal, ima pesta Natal Sikkola Minggu na diuduti Makan Bersama Jemaat dalam Rangka Natal, tapatupa di ari 17 Desember  2011. Pesta Natal Remaja – Pelajar Sidi dan Naposo tapatupa di ari 21 Desember 2012,  Pesta Natal Seksi Ama  & Seksi Parompuan ima di ari  22 Desember 2011,  Pesta Natal Keluarga  ima di ari 23 Desember 2011 Pesta Malam Natal (Natal Umun) na tapasada tu Natal ni Ama ima di ari 24 Desember 2011 Pesta Natal hari I, di ari 25 Desember 2009 l jala tapaujung marhite na patupahon Ulaon Na Badia

Lampiran I :         
Panitia Pembangunan/Renovasi Rumah Ressort

Terpilih Pada Rapat Jemaat 11 Maret 2011
Target    : Renovasi Rumah Ressort
Pesta Pembangunan dilaksanakan Pada : 15 Mei 2011
1.  Pelindung                    :  Praeses HKBP Distrik XVIII Jabartengdiy
2.  Penanggungjawab      :  Pendeta Ressort/ Pimpinan Jemaat HKBP Pekalongan
3.  Penasehat                     :  Parhalado/Majelis Gereja HKBP Pekalongan
4.  Pengarah                      :  MHB. Sihombing, SH

KEPENGURUSAN PANITIA  :

5.  Ketua Panitia               :  CSt. J. Sidauruk, SH
6.  Ketua II                         :  M. Gurning
7.  Sekretaris                     :  M. Pasaribu
8.  Bendahara                    :  M. Parhusip
9.  Seksi Teknis – Perencana,    Arsitek & Pengawas               
                                          :  1.   Dian Sihombing,ST       4.  CSt. LH. Simbolon        
                                              2.   St. R. Pasaribu                                5.  M. Pasaribu     
                                              3.   S. Simarmata, ST                                                           
10.  Seksi Dana                 :  St. AKP. W. Napitupulu, SE (Koordinator)
       Seksi Dana Wiyk      :  1.  Wiyk PKL Kota                        :      L. Turnip & H. Sihombing
                                                2.  Wiyk B.Griya – Medono                :              P. Sidauruk & T. Gurning
                                                3. Wiyk Wiradesa                        :      H. Hutabarat & R. Manalu
                                                4. Wiyk Sragi – Comal               :      B. Simanjuntak & D.Turnip
                                                5. Wiyk Kedungwuni-Kajen               :              MT.Simanjuntak & J. Hutasoit
                                                6. Wiyk Batang                              :      D. Situmorang & D.Sijabat
                                                7. WIyk Petarukan– Pemalang   :      RT. Sihaloho & EL. Malau                                             

Lampiran II

Panitia Pesta Jubileum 150 Tahun  HKBP Di Ressort Pekalongan

Terpilih pada Rapat Jemaat : 12 Juni 2011
Target : Untuk Memenugi Targer Jubileum dari Ressort Pekalongan dan Biaya Mengikuti
               Kegiatan Jubileum di Distrik dan Hatopan (Di Senayan Gelora Bung Karno)
Pesta Jubileum dilaksanakan pada  : 18  September 2011
- 11 -

Panitia Terpilih :
1.  Ketua                                :  St. B. Nainggolan, SKM
2.  Sekretaris                         :  St. W. Napitupulu, SE
3.  Bendahara                        :  St. R. Pasaribu
4.  Seksi Acara                      :  Pendeta & Parhalado
5.  Seksi Seminar                  :  Pdt. BH. Pasaribu, M,Min
6.  Seksi Kegiatan & Lomba S.Minggu : :  CSt. LH. Simbolon &   Guru Sekolah Minggu     
7.  Seksi Lomba                    :  St. TH. Sijabat,   CSt. J. Sidauruk, SH, St. E. Nainggolan
                                                     &    St. SM. Sagala.
8.  Seksi Sosial                      :  St. B. Nainggolan, SKM   &    St. J. Sianturi
9.  Seksi Dana                       :  St. R. Pasaribu,  St. W. Napitupulu, SE   & St. VM. Parhusip


Lampiran III
Panitia Natal Huria HKBP Pekalongan Tahun 2011

Terpilih dalam Rapat Jemaat 9 Oktober 2011
Target    :  -  Mengkoordinir pelaksanaan  Perayaan-perayaan Natal setiap kategorial
                   -  mencukupkan biaya natal

1.  Ketua                                :    Bp. B. Simanjuntak     5.  Koordinator Wiyk
2.  Sekretaris                         :    Bp. P. Sijabat                     
3.  Bendahara                        :    Bp. St. M. Panggabean                                          
4.  Koordinator Pelaksana Perayaan Natal Kategorial                                                               
        4.1.   Kategorial S. Minggu                    :               Bp. CSt. LH. Simbolon       
        4.2.  Kategorial Remaja & Naposo   :  Sdr. Bungaran Sinaga                             
        4.3.  Kategorial Parompuan               :  Ny. St. Pasaribu br. Tambunan
        4.4.  Kategorial Bapak                         :  Bp. M. Pasaribu                                                        .              
5.  Koordinator Wiyk        
5.1. Wiyk Pekalongan Kota              :  Bp. L. Turnip   
5.2. Wiyk B.Griya – Medono            :   Bp.  T. Gurning  &  Bp. D. Malau
5.3. Wiyk Wiradesa                            :   Bp. H. Hutabarat  &  Bp.  NHR. Sipayung
5.4. Wiyk  Sragi – Comal                  :   Bp.  J. Manurung &  Bp. S.O.R. Manihuruk
5.5. Wiyk  Batang – Limpung           :  Bp. D. Situmorang  &  Bp. D. Sijabat
5.6. Wiyk  Kdngwuni – Kajen          :   Bp. M. Pasaribu &   Bp. DT. Gurning
5.7.   Wiyk Petarukan – Pemalang   :   Bp. R. Turnip  & Bp. E.L. Malau


Hami na manurathon
Pandita HKBP Ressort Pekalongan


(Pdt. Bernard H. Pasaribu, M.Min)
- 12 - 

Tidak ada komentar:

Poskan Komentar