PARTANGIANGAN “MANGONGKAL SARING-SARING”
I. Acara Partangiangon Pamuha Ulaon
Pangongkalan Holi
1. Marende Sian BE HKBP No. 135 : 1 + 3
Marpungu do di jolomon marsada roha hami on, o Jesus
Tuhan nami.
Ho, Raja na tarsilang i, na pinatimbo i muse, sai ro ma ho tu hami.
Olo, jalo ma
tangiang pamujian di goarMu, ala holong
ni rohaMu.
Ho
do nampuna hami on rodi sandok portibion Ho ingkon sombaonna
Nang
lan dope na modom i hinorhon ni jeana i, Ho do tangihononna
Ingkon monang Ho o Tuhan, maralohon
haholomon. Ho do Raja sioloan.
2. Votum – Introitus
Marhite-hite
goar ni Debata Ama dohot Goar ni AnakNa, Tuhan Jesus dohot Goar ni Tondi
Porbadia, na tumompa langit dohot tano on. Amen.
Haleluya!
Di Tuhan Debatanta i do hatuaon dohot hasangapon dohot hamulian dohot hagogoon.
Na paheheon Tuhan Jesus, i do na paheheon hita sogot ala
ni Tuhan Jesus.
Martangiang ma hita :
Ale
Tuhan Jesus, Tuhannami! Na mandok mauliate do hami tu Ho, ala ditaluhon Ho do
dosa dohot hamatean marhitehite hamamateM i,
ala disondangi Ho tanomannami, asa marpangkirimon na mangolu hami ala ni
haheheonMi. Ndang pola be mabiar hami mida hamatean, ai ho do ulunami, ruasmu
do hami. Dipaunsat Ho do hami sian haholomon tu hatiuron, sian hamatean tu
hangoluan. Antong pargogoi ma hami mamuji dohot mangoloi Ho ari-ari,
pasangaphon Ho dibagasan haporseaon na mangolu, paima sahat hami tu lambungMu.
Amen.
3. Ruhut Parmahanion taringot tu Na Mangongkal
holi
Ruhut
Parmahanion dohot Paminsangon (RPP) ni HKBP Bab IV Point 5 hlm. 26 – 27 ”mangongkal holi”
a. Haoloon
do mangongkal holi ala ni :
a. 1. Kuburan na sega
a. 2. Kuburan
na nieak ni dalan, manang aek magodang, tanah longsor, parhutaan, pembangunan,
industri, na pasadahon simin, na pasadahon saring-saring tu simin na imbaru.
a. 3. Na
pasadahon kuburan ala mate di luat na dao.
b. Molo tung adong angka na
naeng pasadahon saring-saring (holi-holi) ingkon radot ma parhalado ni Huria
maniroi, asa unang masa
disi ruhut ni hasipelebeguon songon na
manortori holiholi, manulangi, na mangandungi, pamasuk holiholi tu ulos, tu
pinggan dohot ampang, manganapurani, songon i nang pamasuk batang ni pisang tu
pangongkalan ni holiholi i domu tu ruhut hasipelebeguon.
c. Naeng ma parbinoto parhalado ni Huria, molo masa na mangongkal
holi, laos songon i manimpan holiholi i paima dipamasuk tu ingananna. Molo dao inganan i, gabe tu gareja ma i disimpan. Molo ulaon sadari jalo ma
sian kuburan na leleng tu kuburan na imbaru. Ndang sipatupaon be maragenda
disi. Ndang jadi ditortorhon saring-saring, jala unang ma diringi gondang
manang musik laho pamasukkhon tu inganan na imbaru.
4. Marende sian BE HKBP No. 205 : 1 - 2
“ Na dison do au, Tuhanku”
Ale
Jesus Tuhanami bereng hami na dison!
PinarmahanMi do hami, saluhutna na dison
Sai asi rohaM di hami, sai pangolu hami on.
Ale Jesus, togu hami asa
unang mago be,
Manang ise sian hami, sai porsea ma sude
Sai
na hot di Ho ma hami, dao ma jea sasude.
5. Renungan sian : Keluaran (2 Musa) 13 : 19, Yosua 24 : 32
6. Marende
sian BE HKBP No. 394 : 1 +3 “O Jesus Tuhanki”
O Jesus Tuhanki, sihophop au, Masihol au di Ho, naeng Ho di au!
Tanda do
holongMi, sonang ma rohangki maniop tanganMi na lambok i
Naeng tong maringan au di DameMi, sai togu
rohangki tu HataMi
Sai i pargogongki manulus dalanki., Paima tolhas au tu jabuMi.
7. Tangiang Ale Amanami – Pasu-Pasu
II. Acara Pangongkalan
Urutanna:
1. Jumolo ma Pandita,
2. Mangunduti ma Sintuana
3. Mangudut ma pihak keluarga
4. Dipasahat ma tu pihak “pekuburan” untuk
melanjutkan.
Tidak ada komentar:
Posting Komentar